الثلاثاء، ٢١ أكتوبر ٢٠٠٨

المجموعات النامية (2)

أهلا ياصديقى

نكمل مع بعض حكاية المجموعات النامية

بعد تكوين المجموعات النامية ومجموعات الفصل الأول ، لاقينا مجموعات الفصل الأول بتستغل النظام ده ابشع استغلال وكل همهم يكسبوا من وراه مكانة وفلوس ، ازاى؟!!

هقولك

مجموعات الفصل الأول لقت نفسها فجأة فى لقاءات مباشرة وحصرية وعلى الهواء مباشرة مع اكبر رؤوس فى البلد عشان يتابعوا معاهم احوال المجموعات النامية ، بداية من عميد الكلية لرئيس الجامعة ده غير رؤساء الجمعيات الأهلية ورجال الأعمال اللى كانوا سعداء جدا بالموضوع ده وابدوا استعدادهم للمساعدة فيه

طبعا عندك حق كلام جميل ورائع بس بص بقى للى حصل يا سيدى ، بدأت مجموعات الفصل الأول فى استغلال الموقف لمصالحهم الشخصية فتلاقى اللى خد وعد بتعيينه معيد فى الكلية ، او اللى بدأ بالفعل يشتغل مع رجال الاعمال وبمرتبات ايه .. اوعى ياباز ده غير اللى كانوا بيشحتوا على مجموعاتهم من الجمعيات الأهلية او من رجال الأعمال ، وياخدوا منهم تبرعات عشان يصرفوها على محموعاتهم النامية ، مثلا يشترولهم كتب .. لبس .. كده يعنى ، لكن طبعا اللى حصل كان غير كده خالص ، الفلوس اتحطت فى جيوبهم وكانوا بيطلعوا منها مبالغ قليلة اوى يصرفوها على مجموعاتهم عشان بس يثبتوا للأماكن اللى لموا منها الفلوس انهم بيصرفوها صح.

شفت ازاى بقى اتحول المشروع الكبير اللى مقصود بيه النهضة والرقى الى استغلال ونصب وضحك على الدقون

المصيبة الأكبر بقى انهم كمان كانوا بيضللوا المجموعات النامية اللى معاهم فى الناحية التعليمية عشان يفضلوا جهلة ومحتاجينلهم طول الوقت ، ولاد لذين.

اه بتسأل انا فين ومراتى فين من الحكاية دى كلها ، هقولك ياعم بس بالراحة عليا شوية ، شوف ياسيدى

طبعا مراتى وزى ماقلتلك كانت من مجموعة الفصل الأول وطبعا طبعا انا مكنتش من نفس المجموعة انما كنت منمجموعات الفصل التالت ، وحاولت كتير جدا ان انا ابقى من ضمن الجموعة اللى هى الريسة بتاعتها بس هى كانت دايما ترفض طلبى ، مش عارف ليه ، لحد مالقيت نفسى فى النهاية فى مجموعة واحد من اشد المنافسين ليها واللى هى بتكرهه عما ، وطبعا طبعا بقت بتكرهنا احنا كمان زى ما بتكره ريسنا

وحسيت انها بتضيع من ايديا واحدة واحدة ، وفضلت عايش ايام ما يعلم بيها الا ربنا احسن مالاقيش الوسيلة اللى اتقرب بيها ليها

لحد ماجتنى الفكرة العبقرية ، وجاتنى من مين ؟! من رئيس مجموعتنا رأسا

الفكرة دى بقى ياسيدى .... بقولك ايه ممكن نكمل المرة الجاية عشان الحق اروح ... الطيب احسن برده

سلام ياصاحبى

هناك ٧ تعليقات:

صبرني يارب يقول...

زيها زي اي فكره تانيه

تمثليات وبتتعمل على الكل زي كل البلد الى احنا فيها

يسعى المرا الى حتفه

خلاص هاتموت نفسك عليها يا اخويا اشرب يا نجم

taaah يقول...

ولسه
دا كلنا هنشرب من كيعانا
اصبرى بس وشوفى اللى هيحصل

مدام كعبولة يقول...

ايه يا استاذ عبد الفتاح بعد تنشيف الريق ده كله متكلمش

ربنا يسامحك بقي

في انتظار الخطط

و متقلقش
كله بيشرب من كيعانه

المهم انك تتعظ من كتر الشرب

taaah يقول...

الخطط لازم تستوى عشان متخرش المية

ومفيش بشر بيتعظ والا كان الناس بطلوا جواز من زمان

اخبار جوزك )فصدى رفيقى فى الكفاح ايه

أحمد (زوج مخنوق ). يقول...

اول زيارة بس لقيتك بتغييييييييييييب كتير
كلنا هذا الرجل يا تاح
كله بيشرب من كيعانه و ركبه و حاجات تانية كمان
و هو كده دايما
الحاجة اللي تخططلها لازم تظبطك

اشرب يا معلم
منتظرين الخطط

تحياتي

غير معرف يقول...

Εvеryones a sucκeг fοr an octopus!
Ha ha ha...

Ηeге iѕ mу blog :: easy fast cash loans

Unknown يقول...


thank you

سعودي اوتو